Biografie


Was isch Brokenbass? Hhmmm...

Vilech isch ja dFrag wer isch BrokenBass oder o würum isch BrokenBass?

Lueget liebi Läser das isch e so gsi:

Mir schribe ds Jahr 200 v. Chr.    Ehmmm... ah nei das isch di fautsch Gschicht. I demfau so:

Im Jahr 2013 nach eim, zwö... auso füf Bier hei drü jungi Type usem Berner Oberland zämä bschlosse e To Do Liste ds schribe. Gli druf heisi chöne dBändgründig, ds Instrumenchoufe u ds Songschriibe uf ihrer Liste abhägle. Si hei ni lang brucht zum usefinde, dass Fun Punk ihri Musig söu si. So singe si über Frisure, Figure, Kreature, Mure und Uhre. Oder was ihne nebe Bier schüsch no gad über dLäbäre louft. Meischtens sisi ärnscht und zimmlech humorlos. So richtigi Mürguhüng. Drum gits meischtens komischi Witze u Gschichte a de Konzert. So wie letschdi dä vor Lawine... Apropo Lawine, kenneter dä: Was isch Wiss u stört bim... Äh, wär ja öpis anders am verzeue. Vo was hanis eigentech gad gha? Eeehhh...jä nu so de, das ischs öpe.

Waas isch auso Brokenbass?

I ganz simple u desintelegible Wort gfasst:

Brokenbass isch di penetranti Überdosis vo akkustischer Belastig us dr nähere Umgebig. Oder eifach:

Dr lärm vor Nachberschaft.