Mit ihrem dräckige, ehrläche Punkrock verbindet Broken Bass viu Iiflüss us Punkrock, Metal und Crossover i energiegladene Songs. Die vierköpfigi Berner Oberländer Band, singt i erschter Linie berndütschi Texte zu humoristische, aber o soziaukritische Theme. Bi schweisstribende Konzärt, Festivals und Openairs si sie dehei und fühle sech uf dr Büni am wöhlschte. Bisher heisi vor auem regionali Konzärt gspiut under anderem am Mad Muni Festival in Saanen oder am Rox am See in Spiez.

​

Im 2013 hei sech drei Kumpels troffe, zum zämä z musiziere. Nach es paar Coversongs hei sie sech a de erschte Eigäkompositione versuecht.

Ihri erschte Studioerfahrige heisi mit em Demoalbum „To-Do-List“ im Dezember 2014 gmacht.

Im 2018 isch z Debutalbum „Generation F.T.“ nache cho, mit usschliesslech eigete Lieder i brachialem Stil.

Mit em dritte Album „Entertainment“ im Jahr 2021 isch o ihres vierte Mitglied Roman Künzi aus Rapper und Perkussionischt drzue cho. Mit däm hets oh ä witere Stil-Ruck gä i Richtig Nu-Metal und Crossover.